GEC EWE Hymn

GEC Ewe Hymn 204

Stanza 1
Yesu vevi, míeva ‘fii
Wò ɖoɖo kɔkɔe dzi wɔ ge;
Wotsɔ ɖevi sia va ‘fi,
Esi nède se na mí be:
Mina viwo nava gbɔnye,
Wo tɔe nye dziƒofiaɖuƒe.

Stanza 2
Ɛ̃, wò nya vevi la, si
Wode to me na mí bena:
Ame si womegadzii
Tso tsi kple Gbɔgbɔ me o la,
Mate ŋu ava gbɔwò o,
Makpɔ mawufiaɖuƒe o.

Stanza 3
Eya ŋuti míeva ɖo,
Xɔ vi sia tso míaƒ’a-lɔ me;
He wò ɖeɖe la ɖe go,
Ne nàkpɔ eƒe nublanui,
Ne wòazu viwò l’a-fi sia
Wyw wòazu tɔwò le dzi.

Stanza 4
Alẽtɔ, xɔ wò alẽ;
Tɔ, va nàwɔe wò ŋutinui;
Kplɔla nyui, fia agbemɔe;
Fafatɔ, na dzimefafae;
Agbeti, na alɔ sia hã
Nanɔ ŋuwò le xɔse me!

Stanza 5
Azɔ míetsɔ ɖevi sia
Le asiwò me dem vevie.
Míekɔ míaƒe gbewo dzi
Le kukuɖeɖe me bena,
Nàŋlɔ eŋkɔ, si wòxɔ la,
Ðe agbe mavɔ ‘gbalẽ me!

LEAVE A REPLY

Please enter your comment!
Please enter your name here