GEC EWE Hymn

GEC Ewe Hymn 201

Stanza 1
Mawu, wò si nye mía Fofo,
Va dzra mí viwòwo keŋ ɖo,
Ne nàyra ɖe mía ŋutɔwo
Kple míaƒe nuwɔwɔwo dzi!

Stanza 2
Wotsɔ ɖevi sia va gbɔwò,
Xɔe, ne wòatrɔ zu tɔwò ko’
Le wò tsidedeta la me,
Ne wòazu ame yeye gɔ̃!

Stanza 3
Aƒetɔ Yesu, Mawu vi,
Wò ŋutɔ va mía titina,
Ðevi sia ele ŋkuwò me,
Xɔe, nàklɔe tso ‘ƒe nu vɔ̃ me!

Stanza 4
Ale si tsi ɖia ame ŋui,
Nenem wò ʋu ɖia luʋɔ ŋui.
Le tsilele kɔkɔe sia me
Nàklɔ ɖevi sia ŋuti keŋ.

Stanza 5
O Gbɔgbɔ Kɔkɔe, si tso dzi,
Esi tso Tɔ kple Vi la gbɔ,
Va mía gbɔ gaƒoƒo sia me,
Nàxɔ ɖevi sia ƒe dzi me.

Stanza 6
Toe nɛ be, ezu Mawu vi
Le ‘ƒe tsidedeta la me,
Eya nye nubabla yeye
To Yesu ƒe ku xɔasi me.

Stanza 7
Le tsidedeta kɔkɔe me
Míakpɔ Mawu ƒ’a-gbe mavɔ;
Míate ŋu aɖu nu vɔ̃ dzi,
Anɔ ‘nyi fafɛ kple Mawu

Stanza 8
Azɔ míetrɔ zu Mawu tɔ,
Míaganɔ nu vɔ̃ si me o.
Yesu míeɖe kuku na wò,
Na ne míaɖu abosam dzi!

LEAVE A REPLY

Please enter your comment!
Please enter your name here