GEC EWE Hymn

GEC Ewe Hymn 199

Stanza 1
Wode tsi ta nam ɖe wò ŋkɔ dzi,
Mawu Fofo, Vi kple Gbɔgbɔ.
Wobum kpe ɖe wò hame la ŋu,
Ðe wò dukɔ kɔkɔe la ŋu.
Mewɔ ɖeka kple Kristo keŋ,
Eya na eƒe Gbɔgbɔ lam.

Stanza 2
Fofo lɔlɔ̃tɔ, wòe kɔ ŋunye,
Wɔm viwò kple domenyila.
Yesu, wò ku la zu viɖe nam,
Wòe nye nuteƒewɔla nam,
Wò, Gbɔgbɔ Kɔkɔe la, koe nye
Ny’a-kɔfala le fuwo me.

Stanza 3
Nye hã medo vɔvɔ̃ kple lɔlɔ̃
Kple toɖoɖo ŋugbe na wò,
Eye meɖe adzɔgbe na wò
Be, wò ɖeka tɔ ko manye,
Eye magbe nu vɔ̃ godoo
Yi ɖase ɖe nye ku me ke.

Stanza 4
Nyateƒe Mawu, le gbɔwò la
Nubabla sia anɔ ‘nyi ɖaa.
Fofonye, ne nyea meda dzi hã,
Mègana makpɔ tsɔtrɔ̃ o!
Eye ne medze anyi la,
Ve nunye, eye nàxɔm ko!

Stanza 5
Mawunye, megatsɔ nye luʋɔ
Kple ŋutilã sa vɔ na wò.
De nyateƒedzi yeye menye,
‘Ye nàɖu dzinye blibo keŋ!
Ʋu toŋ ɖeka hã meganɔ
Menye, agbe wò nya dzi o!

LEAVE A REPLY

Please enter your comment!
Please enter your name here