GEC EWE Hymn

GEC Ewe Hymn 174

Stanza 1
Mawu ƒe fiaɖuƒe,
Te va kple ŋusẽ katã!
Wò nyateƒe ƒe kekeli
Naklẽ ɖe viviti me!
Nàgbã abosam ƒe ŋusẽ;
Dzo kɔkɔe la nabi ‘fi sia ‘fi
Mawu ƒe fiaɖuƒe!

Stanza 2
Nàɖu dzi ‘fi sia ‘fi!
O agbefia ŋusẽtɔ,
Nàgbã trɔ̃wo ƒe ŋusẽ bla!
Woƒe aʋakɔ sɔ gbɔ;
Ke wò la aɖu edzi tsã.
Dzɔdzɔenyenye ƒe ɣekeklẽ la
Aɖu dzi ‘fi sia ‘fi.

Stanza 3
Ŋusẽtɔ, kalẽtɔ,
Wɔ wò ŋusẽ ŋutidɔ;
Nàɖu futɔwo katã dzi!
Nàkplɔ mɔtralawo hã
Va aƒe, be woakpɔ dzudzɔ:
Ekem ŋutifafa kple dzidzɔ
Wɔ ɖeka hegbã go.

Stanza 4
‘Fi sia ‘fi nàɖu fia
Le xexe sia me goɖoo!
Yi ɖase ɖ’a-nyigba seƒe
Na wò ŋkɔ la naɖi hoo,
Na wò ŋusẽ hã nadze ƒã,
Va se ɖe ‘sime wò, fafafia,
Nàɖu dzi ‘fi sia ‘fi.

Stanza 5
Azɔ la miawo la,
Ame siwo fia dɔ ɖa,
Miyi ŋgɔgbe dzideƒotɔe,
Be miaɖe gbeƒã kɔtee
Le dukɔwo katã dome:
‘Fi si Yesu kpɔ ŋusẽ le la,
Lɔlɔ̃ sɔŋ le fia ɖum.

Stanza 6
Mia dome ame ka
Masubɔ fia nyui sia o?
Ne míewɔ nuteƒe nɛ ko,
Ayra mía dɔ maɖinu
Kpakple yayra geɖe ŋutɔ.
Eƒe ŋutifafa li kpli mí
Gbe sia gbe, ɣesiaɣi.

Stanza 7
Miɖ’a-bla, mite va,
Dzidzɔŋkekewo, mido,
Le ‘sime mía ɖela ava,
Aɖu fia dukɔwo dzi,
Ne xexeame nadze si be,
Yesu Kristo akplɔ mí katã,
Ha ɖeka, fia ɖeka.

LEAVE A REPLY

Please enter your comment!
Please enter your name here