GEC EWE Hymn

GEC Ewe Hymn 171

Stanza 1
Nyanyuigawo le ɖiɖim
L’a-nyigba kpl’a-tsiaƒu dzi;
Xɔxɔ vivi ƒe yayranya
Wotsɔ vɛ na wò kple nye:
Mawu lɔ̃ xexeame,
Tsɔ ‘ƒe Tenuvi na mí;
Ame si ke xɔ dzi se la
Akpɔ ‘gbe mavɔ l’e-gbɔ.
Nyanyui ƒe gaƒoƒo,
Ale ke wole ɖiɖim!
Xɔxɔ ƒe ga vivi,
Tsɔ yayranya vɛ na mí.

Stanza 2
Nyanyuigawo le mía yɔm
Va agbekplɔ̃ gã la ŋu;
Mègado vlo ‘ƒe gbe nyui la
‘Ye nàgbe yɔyɔ la o!
Nyee ny’a-gbebolo la
Na wò luʋɔ dɔwuitɔ;
Ne wò nu vɔ̃ biã ‘be ʋu ne;
Afu ‘be alẽfu ‘ne.
Nyanyui ƒe gaƒoƒo,
Ale ke wole ɖiɖim!
Xɔxɔ ƒe ga vivi,
Tsɔ yayranya vɛ na mí.

Stanza 3
Nyanyuigawo le nu xlɔ̃m
Tso ŋkeke yi ŋkeke be,
Ŋɔdzi kple dzɔgbevɔ̃e ava
Ame si tsi megbe dzi.
Ðe wò agbe kaba,
Mègahe ɖe megbe o!
Ne menye nenema o la,
Ava tsrɔ̃ le mɔ la dzi.
Nyanyui ƒe gaƒoƒo,
Ale ke wole ɖiɖim!
Xɔxɔ ƒe ga vivi,
Tsɔ yayranya vɛ na mí.

Stanza 4
Nyanyuigawo ƒe ɖiɖi
Dzidzɔ dom l’a-fi sia ‘fi.
Tsɔ vɔ̃keke vɛ na mí tso
Xɔla, si woklã la, gbɔ:
Dzidzɔnya metsɔ vɛ
Na mi dukɔwo katã:
Wodzi xɔla na mí vavã,
Si nye Kristo, Aƒetɔ!
Nyanyui ƒe gaƒoƒo,
Ale ke wole ɖiɖim!
Xɔxɔ ƒe ga vivi,
Tsɔ yayranya vɛ na mí.

LEAVE A REPLY

Please enter your comment!
Please enter your name here