GEC EWE Hymn

GEC Ewe Hymn 163

Stanza 1
To ku me ke nèɖu dzi,
Wu míaƒe ɖeɖe nu.
Wòe va xɔ míaƒe nya la
Ð’aɔ̃kɔ, wò dzɔdzɔetɔ.
Èsi futɔwo katã
Ʋu dziƒomɔ na mí!
Dzidzɔ yɔ míaƒe dzi me,
I: Míekafu wò fia gã! :I

Stanza 2
Dziƒo kple anyigba dzi
Ŋusẽ katã tɔwòe,
Se ɖe si dukɔhawo
Ava dze klo na wò.
Ɣedzeƒe, ɣetoɖoƒe,
Dziehe kple anyiehe
Ha gã ava nɔ kplɔ̃ ŋu
I: Le wò fiaɖuƒe me :I

Stanza 3
Wogale wo yɔyɔ dzi,
Dɔlawo le yiyim,
Be woazi wo katã dzi,
Aƒea me nayɔ taŋ!
Mɔ ka asesẽ akpa,
Dɔ ka manya wɔ o,
Le nyanyui la kaka me
I: Ðe xexeme katã? :I

Stanza 4
Tete ame kukuwo
Woagbɔ agbe vavã!
Ɛ̃, lãmetututɔwo
Woakpɔ sesẽ kaba.
Le ɣe ƒe keklẽ nu la
Ɣleti manɔ te o.
Trɔ̃ƒewo atsi gbɔlo,
I: Ke mawuxɔ layɔ. :I

Stanza 5
Afi si ku kple nu vɔ̃
Kple abosam ɖu fia,
Amegbetɔ ƒe ʋu hã
Do fu ŋɔdzitɔe le,
‘Fi ma nyanyui ƒe ŋusẽ
Trɔ amewo bubui;
Hlɔ̃dola trɔ ‘ƒe dzi me,
I: Hlɔ̃biala hã trɔ kplii. :I

Stanza 6
Ɣe la gale keklẽm nyuie
Le mía denyigba dzi,
Ke viviti sɔŋsɔŋ le
Amewo ƒe dzi me.
Nu vɔ̃ ƒe kluvi wonye,
Wosubɔ kpe kpl’a-ti.
Wò ɖeɖe nado kaba,
I: Xɔla, kpɔ nublanui! :I

Stanza 7
Kaka wò dzo kɔke la
Ðe xexeame godoo!
Ŋe abosam ƒe ŋusẽ,
Wò fiaɖuƒe nado!
Na woase wò ŋkɔ nyui la,
Mía fia, Yesu Kristo,
Bene ameha gãwo
I: Nakpɔ ŋutifafa! :I

Stanza 8
Ƒo wò hame la nu ƒu
Le xexeme katã,
Bene ame geɖewo
Nava wò kplɔ̃ ŋuti!
Ʋu wò fiasã ƒ’a-gbowo
Ameha gãe gbɔna!
Afi si blukɔ gale,
I: Ŋu nake l’a-fi ma! :I

LEAVE A REPLY

Please enter your comment!
Please enter your name here