GEC EWE Hymn

GEC Ewe Hymn 154

Stanza 1
Miva, miyi, nɔviwo!
Zã d’a-si dodo me!
Gbedzi, si zɔm míele la,
Le ŋɔ hã dzim na mí.
Mido ŋusẽ nu ko,
Bene míaɖo aƒe ma,
Si woadzra ɖo ɖi na mí!
Afi ma míadzudzɔ.

Stanza 2
Mɔ xaxɛ dzi zɔzɔ la
Masesẽ akpa o.
Míenya ame, si yɔ mí,
Ƒe nuteƒewɔwɔ.
Miɖo ŋu ɖe ‘ŋu keŋ!
Mitrɔ tso xexe sia me,
Miadze Aƒetɔ yome,
Ðo ta Yerusalem!

Stanza 3
Nu, si katã míegble ɖi,
Eya mave mí o.
Míava kpɔ gbɔdzɔe wu tsã,
Adi agbe mavɔ.
Viwo, migavɔ̃ o!
Migbe xexeamedzidzɔ,
Eƒe beble kple dzudzu;
Miheyi ŋgɔ tẽ ko!

Stanza 4
Nɔviwo, mizɔ kaba!
Fofo lal le mía kplɔm
Eya ŋutɔ le mía gbɔ
Le xaxa katã me,
Ade dzi ƒo ba mí.
Ɣe la gale keklẽ ge
Le tsidzadza la megbe.
Nu sia nu lava nyo!

Stanza 5
Ne amea ɖe gbɔdzɔ la,
Enɔvia naxɔ nɛ!
Milé mia nɔewo ɖ’a-si,
Lɔlɔ̃ bla mi ɖekae.
Mibla nu sesiẽ wu!
Ðe sia ɖe nanye suetɔ,
Ke wòanye dzadzɛtɔ hã
Le dziƒomɔ la dzi!

Stanza 6
Aƒe magadidi o;
Nɔviwo, mido dzi!
Wole dza do ge na mí
Le dziƒodu la me.
Dzudzɔ mavɔ nye kem!
Ne mía kple kɔkɔetɔwo
Katã ava Fofoa gbɔ,
Eya lanyo ŋutɔ!

LEAVE A REPLY

Please enter your comment!
Please enter your name here