GEC EWE Hymn

GEC Ewe Hymn 147

Stanza 1
Agbegbɔgbɔ, nunana nyui,
Mía luʋɔ ƒe kekeli!
Míaƒ’a-kɔfala kɔkɔe la,
Va, nanɔ mia me ɖaa si!
Ŋusẽgbɔgbɔ, si edoa go
Tso Fofoa kple Vi la siaa me,
O ŋutikɔkɔegbɔgbɔ,
Va dzra míaƒe dzi me ɖo!

Stanza 2
Tsã la étso dziƒo ɖi va,
Abe dziya gã ene;
Wokpɔ wo ŋutikɔkɔe la,
Sigbe dzo ƒ’a-ɖe ene.
Egbe éɖi ya fafɛ ko;
Gake dɔ gã, si wɔm nele
Le amewo ƒe dzi me,
Gale abe tsã ene

Stanza 3
Eya ŋuti mieɖe kuku
Na wò, O Gbɔgbɔ Kɔkɔe,
Va nàfia Aƒetɔ Yesu
Ƒe lɔlɔ̃ la mí kɔtee,
Be ne miayɔ eƒe ŋkɔ dzi,
Eye miaɖo to wo ɖaa si,
Ale be miakpɔ xɔxɔ,
Si enye agbe mavɔ

Stanza 4
Lɔlɔ̃gbɔgbɔ, yɔ mía dzi me
Kpakple Mawu ƒe lɔlɔ̃,
Ne míalɔ̃ mía nɔvi bubu,
Si hã enye Mawu vi.
Na be míaɖi anukware
Halase ɖe mía ku me ke
Be ne agbefiakuku
Nasu mía si le dziƒo.

Stanza 5
Kafukafu kpl’a-kpedada
Míana wò, Ggbɔgbɔ Kɔkɔe;
Elabena éle ɖeka
Kple Mawu kple Aƒetɔa.
Wò ŋusẽ kple wò dɔwɔwɔ,
Wò kafukafu le dziƒo;
Wosɔ kple Mawu Fofo
Kple Aƒetɔ Yesu tɔ

LEAVE A REPLY

Please enter your comment!
Please enter your name here