GEC EWE Hymn

Stanza 1
Haleluya Kafukafu
Mana Mawu kple dzidzɔ
Matsɔ saŋku akafui ɖaa,
Mado eƒe ŋkɔ ɖe dzi
Zi ale si me l’a-gbe,
Mada ‘kpe nɛ, makafui!

Stanza 2
Dziŋgɔli kple xexe sia me
Kpakple woƒ’a-tsyɔ̃ɖoɖo,
Nya ɖeka ko Mawu gãgblɔ,
Tete wo katã va do.
Xexeame ƒe dziɖula
Wɔa ‘ƒe ŋugbedodo dzi.

Stanza 3
Ame dahe kple hiãtɔ la
Xɔa kpekpeɖeŋu tso ‘gbɔ.
Enaa nuɖuɖu dɔwuitɔ,
Doa ŋusẽ ame ɖɔ hã.
Fukpela, siwo yɔe ɖa,
Eɖea wo le lɔlɔ̃ ta.

Stanza 4
Eʋu ŋku na ŋkuagbãtɔ hã,
Mí Aƒetɔ lɔlɔ̃tɔ,
Be kekeli, si tso dziƒo,
Naɖe ‘kɔfafa fia wo.
Kpɔ ale si Mawu gã
Lɔ̃a amegbetɔ vavãe!

Stanza 5
Mawu gã sia nye mía ‘ƒetɔ
Kple mía dziɖula tegbe.
Ha kɔkɔe, de ta agu na
Wò ɖela kple fia gã sia!
Haleluya, mikafui!
Mía ‘ƒetɔ la gogo mí!

LEAVE A REPLY

Please enter your comment!
Please enter your name here